2025eko Iruñaldia jaialdiaren barne.

DASTAKETA ESPERIENTZIA + DESTINY DRIVER TEATRO LABURRA

Geltokiko sukaldea + La Mapatxa teatro taldea (Markos Goikolea antzerkigilea) 

Imajinatu etorkizun batean, gizakiok erabakiak hartzeari utzi diogula. “Destiny Driver” izeneko software batek gure izenean erabakitzen du zer bide hartu, zer jan, norekin egon… Begiak itxi eta algoritmoak erakusten dizkigu aukera bakoitzaren ondorioak. Eta hala, beldurrik gabe bizi gara.

Baina zer galtzen dugu etorkizuna irudikatzeari uzten badiogu? Zer gertatzen da aukerarik gabeko mundu batean, zaporeak berdinak direnean eta sorpresarik ez dagoenean? Horri buruz hitz egiten digu gaurko esperientziak. Dastaketa batek eta teatro hitzordu batek bat egiten duten lekuan, irudimena eta zaporea eskutik joango dira.

Dastatuko dituzun produktu guztiak ekologikoak eta hurbilekoak dira: gure lurrean jaiotako etorkizunaren haziak. Zapore hauekin batera teatro labur bat dastatzeko aukera ere: “Destiny Driver”. Markos Goikolea antzerkigile iruinsemearen testu hau zientzia-fikzioan kokatzen da, eta dagoeneko hainbat sari jaso ditu (Cafe Bilbao-Tartean saria eta Kriselu saria). La Mapatxa konpainiak bi pertsonaia taularatuko ditu XXII. mendean, zalantzen eta softwaren artean.

Zaporeek gogora eramaten gaituzte, baina baita etorkizuna imajinatzera ere. Gaur, ez zara soilik ikusle. Aukera bat duzu: zapore bat hautatu, istorio bat sentitu, eta zure bidea irudikatu. Etorkizuna ez da erabakitzen. Dastatzen da.