Blanca Arrietaren konpainiaren jardunbidean funtsezkoak diren bi piezaren berrestreinaldia, tarterik gabeko saio bakar batean. Jatorriz espazio handietarako pentsatuta badaude ere, oraingoan modu intimoagoan birformulatzen dira, eta keinua, erritmoa eta etenaldia elkarrekin doitu egiten dira, gorputzarekiko hurbiltasun handiagoa erakusteko eta, horrekin batera, onberatasun sakonagoa eta zuzenagoa ere. «360» eta «NOTWITHSTANDING» –orain «NOTWITHSTANDING (Unplugged)» izendatua– lanek ikerketa bera dute: fisikoaren eta soinudunaren arteko ezkutuko egitura.

«360» dantza bakar-saio bat da. Laura Cobok dantzatzen du, gorputza paisaia poetikotzat hartzen duen Inger Christensenen «Alfabeto» poemaren pasarte batean oinarrituta. «NOTWITHSTANDING (Unplugged)» dantza eta antzerkiaren arteko duoa da, Robert Jacksonek eta Gabriel Ocinak antzezten dutena, Samuel Becketten «Worstward Ho» testuaren zuzeneko irakurketa txertatuta.

Fitxa artistikoa: 

• Zuzendaritza artistiko eta koreografikoa: Blanca Arrieta
• Sorkuntza eta antzezpena: Laura Cobo, Robert Jackson, Gabriel Ocina
• Soinu-sorkuntza: Iñigo Ibaibarriaga
• Argi-diseinua: Borja Ruiz
• “Worstward Ho” testua: Samuel Beckett
• Argazkiak: Juan Félix Ruiz
• Sorkuntzaren egoitza: La Fundición
• Laguntzaileak: Laboratorio Klem, Harrobia, Eskena, La Terminal FICC, La hacería, Dantzalabea, CDART
• Dirulaguntza: Eusko Jaurlaritzako Kultura eta Hizkuntza Politika Saila
• Esker onak: Samuel Beckett State
• Iraupena: 65 minutu