Bilboko Institutu Frantsesarekin elkarlanean, hitzordua proposatzen du Artium Museoak, hilean behin, frantsesezko filmak jatorrizko bertsioan ikusteko eta, ondoren, ikusitakoari buruzko ideiak eta iritziak partekatzeko solasaldia egiteko, frantsesez hori ere. Hileko azken asteartean izaten dira saioak.

Urriaren 29an, 18:30ean
Un corps brûlant (Lauriane Lagarde, 2021)

Linak eta Inesek ez zuten elkar ezagutzen. Hala ere, teilatutik teilatura, hormatik hesira, bi nerabeak urrutitik begira daude, hurbiltzen saiatzen diren bitartean. Gainera, badirudi ez dituztela ikusi nahi, eten egiten dituzte etengabe. 

Malmousque (Dorothée Sebbagh, 2021)

Malmousquen, Marseillako arrantzale auzo zahar batean, egoiliar berriak eta bainulariak elkartzen dira. Virginie kalean dabil bere katuaren bila, eta Élina ziur dago bere senarrak programa espioi bat sartu duela telefono mugikorrean. Bi lagunak kanoa batean urruntzen dira inork entzun gabe hitz egiteko.

Azaroaren 26an, 18:30ean
Ziyara (Simone Bitton, 2021)

Marokon, «Ziyara» (santuen bisita) juduek eta musulmanek beti partekatu duten praktika herrikoia da. Dokumentala Simone Bittonen jaioterrira egindako bidaia da. Erromesaldi zinematografiko bat da, juduen presentziatik geratzen denaren bila Marokoko paisaietan, hitzetan eta iruditerian, non zuzendaria bere memoria juduaren zaindari diren musulmanen topaketara joaten den.

Abenduaren 17an, 18:30ean
Cataracte (Laetitia de Montalembert et Faustine Crespy, 2020)

Nicky emakume inkonformista eta xelebrea da, eta geratzen zitzaizkion gizarte-prestazioak galdu ondoren, guztiarekin amaitzea erabakitzen du. Robby txakurra bere auzokoari uzten dio zaindu dezan, baina bueltan ekartzen duenean, Nickyrentzat erlojupeko lasterketa bat hasten da gaindosi baten erdian.

Chasse royale (Romane Guéret et Lise Akoka, 2016)

Angéliquek hamahiru urte ditu eta bere anai-arreba askorekin bizi da Valencienneseko aldiri batean. Egun batean, eskolan, pelikula baterako kasting bat pasatzea eskaintzen diote.

Emanaldi aretoan. 18:30ean. Sarrera doan, toki mugatua.
Argibide gehiago: 945 20 90 20