2024ko udazkenetik aurrera Suavemente me mata con su canción birari emango zaio hasiera. Zuzeneko horiek antzokietan egingo dira; horrek esan nahi du entzuleek aulkietan eserita ikusiko dutela Doctor Deseo taldearen jardun leun, ezti-ezti eta dotorea. Baluartera Gabon bezperan iritsiko den Suavemente me mata con su canción bira, aurrekoekin alderatuta, desberdina izango da. Bira horretan, abestirik geldoenak, kabareteroenak, emeki-emeki datozen abesti intentsoenak, teatralenak entzungo dira, taularatze kutun eta goxoarekin. Laguntzaileak: Aiora Renteria eta Itziar Sanchez (dantzaldia trapezioan).