Mugan taldeak Bizitza ozen denean diskoa aurkeztuko du.

Sei urteko ibilbidean, Mugan taldeak bi estudioko disko eta zuzeneko bat kaleratu ditu. Tartean, Euskal Herri osoan zehar 80 kontzertu inguru eskaini ditu. Ahotsak, intentsitatea eta txikitasunaren indarra dira, izan ere, Muganen kontzertuen ezaugarri nabarmenenak.

Oraingoan, estudioko hirugarren lana aurkeztuko dute: Bizitza ozen denean. Disko bat, bi zatitan. Gai antzekoen inguruan aritzeko bi modu. Mundu arrotz baten aurrean, erantzun bakar bat.

• Pablo Zurutuza (ahotsa, gitarra)
• Joseba Pastor (baxua)
• Enara Rodriguez (teklatuak, ahotsa)
• Markos Murua (gitarra)
• Ander Murua (bateria)